Altaira: paixón pola arte e a beleza
Na nosa escola de pintura en Santiago de Compostela somos un equipo profesional, apaixonado pola arte. Queremos ser apoio e ferramenta para todo aquel que teña inquedanzas artísticas, e ofrecemos un espazo para atopar a propia expresión, explorar a creatividade e volverse nun creador de arte.
En Altaira entendemos todo o proceso creativo coma un todo, dende o elo máis cativo ata o máis complexo. É por isto que axudamos tanto ao estudante que busca mellorar a súa técnica, como aquel que nunca pintou. Atendemos, tamén, ao afeccionado que ven na procura de materiais, e ao artista profesional que necesita inspiración ou quere aprender novas técnicas de creación.
O noso amplo e luminoso local é, ao mesmo tempo, escola e tenda de arte en Santiago de Compostela. Nestas instalacións ofrecemos formacións e asesoramento personalizado, atopando sempre o equilibrio entre a profesionalidade e a proximidade, propios dun negocio local.
A nosa paixón pola arte e a beleza, xunto ao aprecio polo creador e a difusión de obras, son os nosos piares.